CHELSEA YAPAA,CITY YAVUTWA SHATI

London,England.

Klabu ya Chelsea imeendelea kujikita kileleni mwa ligi ya Epl baada ya leo kutoka uwanjani na ushindi mnono wa goli 2-0 dhidi ya Newcastle United.

Chelsea iliyokuwa nyumbani Stamford blidge ilijipatia magoli yake kupitia Oscar dakika ya 39' na Diego Costa kunako dakika ya 56' ya mchezo huo ambao ulishuhudia mlinda mlango mkongwe Peter Cech akiwanyima wageni magoli ya mapema baada ya kuokoa kwa ustadi mkubwa michomo ya Remmy Cabella na Moussa Sissoko.

Katika mchezo mwingine uliopigwa huko Liverpool katika dimba la Goodison Park Everton wameilazimisha klabu ya Manchester City kwenda sare ya goli 1-1.

Manchester City ndiyo waliokuwa wa kwanza kupata goli kupitia kwa kiungo Fernandinho kabla ya Everton kujibu kwa goli la Steven Naismith.

Kufuatia matokeo hayo Manchester City imeendelea kubaki nafasi ya pili.

Matokeo mengine ni kama ifuatavyo.....

Sunderland 0 - 1 Liverpool
Burnley       2 - 1 Queens Park Rangers
Leicester City 1 - 0 Aston Villa
Swansea City 1 - 1 West Ham United
West Brom     1 - 0 Hull City

Saturday, January 10, 2015