SEVILLA YATWAA TENA UBINGWA WA EUROPA LIGI,YATOKA NYUMA NA KUICHAPA LIVERPOOL 3-1

BaFinal I yaisi.

SEVILLA imekuwa timu ya kwanza kutwaa ubingwa wa Ulaya mara tatu mfululizo baada ya Jumanne usiku kutoka nyuma na kuifunga Liverpool kwa mabao 3-1katika mchezo mkali wa Fainali ya Kombe la Europa Ligi uliochezwa katika uwanja wa St Jakob-Park jijini Basle,Uswisi.

Liverpool ndiyo ilikuwa ya kwanza kupata bao la kuongoza dakika ya 35 ya mchezo kupitia kwa mshambuliaji wake Daniel Sturridge na kufanya timu ziende mapumziki matokeo yakiwa Liverpool 1,Sevilla 0.

Kipindi cha pili Sevilla iliuanza mchezo kwa kasi na kufanikiwa kusawazisha dakika ya 46 kupitia kwa Kevin Gameiro na kisha kuongeza mengine mawili dakika za 64 na 70 kupitia kwa nahodha wake Coke Andujar Moreno.

Ubingwa huo ni wa tano kwa Sevilla katika kipindi cha misimu 11.Hii ina maana kwamba Sevilla imekata tiketi ya kushiriki michuano ya vilabu bingwa Ulaya msimu ujao huku Liverpool ikikosa michuano yote ya Ulaya.

Pia Fainali ya Jumanne usiku imekuwa fainali ya tano ya Ulaya kwa kocha wa Liverpool Mjerumani Jurgen Klopp kupoteza.

Thursday, May 19, 2016