Accra,Ghana's
Mamelodi Sundowns ya Afrika Kusini imetupwa nje ya michuano ya Kombe la Shirikisho Barani Afrika baada ya jioni ya leo kufungwa mabao 2-0 na Medeama SC katika mchezo mkali wa hatua ya marudiano uliochezwa katika uwanja wa Sekondi-Takoradi Stadium,Ghana.
Mamelodi Sundowns iliingia Katika mchezo wa leo ikijivunia ushindi wake wa mabao 3-1 iliyoupata Katika mchezo wa kwanza uliochezwa huko Lucas Moripe Stadium,Atteridgeville.Lakini kichapo cha leo kimefanya matokeo yao 3-3 na Medeama SC kufuzu kwa faida ya bao la ugenini.
Wenyeji Medeama wamejipatia mabao yao dakika za 34 na 65 kupitia kwa Malik Akowush na Bernard Ofori.Akowush aliifungia Medeama SC kwa mkwaju wa penati uliopatikana baada ya Enock Agyei kuangushwa ndani ya box na Thabo Nthethe.
Dakika ya 68 Mamelodi Sundowns ilipata pigo baada ya mlinda mlango wake Denis Onyango kulimwa kadi nyekundu kwa kosa la kumpiga teke Abbas Mohammed.
Vikosi
Medeama starting XI: Tagoe, Adade, Sarpong,Amoah, Aidoo, Akowuah, Kwakwa, Boahene,Attah Agyei, Ofori, Mohammed.
Mamelodi Sundowns starting XI: Onyango;S.Zwane, Mphahlele, Nthethe, Arendse,Langerman, Bangaly, Kekana, Modise, Dolly,Billiat
Droo ya Makundi itafanyika Mei 28 huko Cairo, Misri.
0 comments:
Post a Comment