Baada ya kutamka bayana kuwa haina ubavu wa kumsajili nyota wa klabu ya Barcelona Lionel Messi klabu ya Chelsea inajipanga kuizidi ujanja klabu ya Manchester City na kumtwaa mshambuliaji wa klabu ya Swansea City Wilfred Bony (26) mwenye thamani ya £30m.
Mshambuliaji wa Arsenal Mfaransa Yaya Sanogo amekataa ofa nyingi toka vilabu vya nchi hiyo ili abakie England huku taarifa nyingine zikisema yuko karibu kutua katika klabu ya Crystal Palace.
Klabu ya Manchester United inajipanga kurudi tena katika klabu ya Southampton kwa ajili ya kumsajili mlinzi wa kulia wa klabu hiyo Nathaniel Clyne (23) ambaye amebakiza miezi 18 tu katika mkataba wake wa sasa.
Klabu ya Liverpool inajipanga kuikataa ofa ya £7m kutoka klabu ya Inter Milan kwa ajili ya kiungo wake Lukas Leiva kwa madai kuwa kiwango hicho ni kiduchu.
Klabu ya Borrussia Dortmund inajipanga kumsajili mshambuliaji kinda wa klabu ya Arsenal Chuba Akpom ambaye mkataba wake unafukia tamati mwishoni mwa msimu huu.
Klabu ya Tottenham inaiwinda saini ya winga wa klabu ya Juventus Sebastian Giovinco (27) ambaye mkataba wake unafikia tamati mwezi juni mwaka june.
Klabu ya Liverpool inafikiria kumsajili mshambuliaji wa As Napoli Gonzalo Higuain.Higuain ana kipengere cha kuuzwa kwa €38m
0 comments:
Post a Comment