JKT Ruvu yashuka rasmi daraja

Mwanza,Tanzania.

JKT RUVU imekuwa timu ya kwanza kushuka daraja kutoka ligi kuu ya soka ya Vodacom Tanzania bara na kuelekea ligi daraja la kwanza baada ya jioni ya leo kufungwa mabao 2-1 na Toto Africans katika mchezo mkali wa ligi kuu uliochezwa kwenye uwanja wa CCM Kirumba jijini Mwanza.

Wageni JKT Ruvu ndiyo waliokuwa wa kwanza kupata bao la kuongoza katika sekundi ya 38 ya kipindi cha kwanza kupitia kwa kiungo wake mkongwe,Hassani Dilunga.

Kuingia kwa bao hilo kuliwaamsha wenyeji Toto Africans ambao walikuja juu na kufanikiwa kupata mabao mawili yaliyofungwa na mshambuliaji wao hatari Waziri Salum Junior.

Kwa kichapo hicho sasa ina maanisha kwamba JKT Ruvu imeshuka rasmi daraja kwani mpaka sasa imefanikiwa kujikusanyia pointi 23 pekee huku ikiwa imesaliwa na michezo miwili pekee ambayo hata kama itashinda yote haitazuia kushuka kwao.

Saturday, May 06, 2017