MKWARA:Mavugo simhofii mshambuliaji yeyote mpya

Dar Es Salaam,Tanzania.

MSHAMBULIAJI wa Simba, Laudit Mavugo,amesema hahofii ujio wa mshambuliaji yeyote mpya katika kikosi hicho.

Kauli ya Mavugo imekuja baada ya kuwapo taarifa kwamba aliyekuwa mshambuliaji wa Azam FC, John Bocco, amejiunga na Wekundu hao kwa ajili ya kuwachezea msimu ujao wa Ligi Kuu Tanzania Bara.

Mavugo amesema yeye kama mchezaji siku zote amekuwa akihitaji changamoto mpya ili kumfanya kuwa bora zaidi.

“Aje yeyote mimi ni profesheno, hivyo siwezi kumwogopa mchezaji mwenzangu, yeyote atakayesajiliwa mimi nitampa ushirikiano kwa kuwa lengo ni kuhakikisha Simba inafanya vizuri.

“Mafanikio ya Simba ndio kitu muhimu mengine yanafuata,” alisema Mavugo.

Tuesday, May 30, 2017