Himid Mao atua rasmi Randars FC kwa majaribio

Farid Miraji,Dar Es Salaam.

Kiungo wa Klabu Bingwa ya Afrika Mashariki na Kati, Azam FC, akiwa tayari amewasili kwenye makao makuu wa klabu ya Randers ya Ligi Kuu Denmark alikokwenda kufanya majaribio.

Kama anavyoonekana hapo kwenye picha, akiwa katika uwanja unaotumiwa na timu hiyo unaoitwa ‘BioNutria Park Randers’.

Kwa mujibu wa tovuti ya timu hiyo, inaeleza kuwa Himid atafanya mazoezi na kikosi kingine cha vipaji cha Randers leo na kesho Jumatano kabla ya Ijumaa kujumuika na timu kubwa ya Randers.

Taarifa hiyo ya Randers inasema kuwa, Himid mbali na kufanya mazoezi atakuwa ni sehemu ya kikosi cha wachezaji wa akiba wa Randers kitakachocheza dhidi ya AC Horsens Jumanne ijayo kwenye Ligi ya Wachezaji wa Akiba ya nchini humo.

#GoodLuckHimidMao23

Tuesday, May 02, 2017