Samatta afunga,Genk ikishinda 4-0 kuwania tiketi ya kucheza Europa Ligi msimu ujao

Genk,Ubelgiji.

MSHAMBULIAJI wa kimataifa wa Tanzania,Mbwana Ally Samatta amefunga bao moja katika ushindi wa mabao 4-0 iliyoupata timu yake ya KRC Genk dhidi ya Sporting Lokeren katika mchezo wa kwanza wa kundi A wa kuwania tiketi ya kucheza michuano ya Europa Ligi msimu ujao.

Samatta amefunga bao hilo katika dakika ya 73 baada ya kupokea pasi safi kutoka kwa Leandro Trossard.Mabao mengine ya KRC Genk yamefungwa na Alejandro Pozuelo Melero 45',Jean-Paul Boëtius 77' na José Manuel García Naranjo 90'.Mchezo huo uliochezeshwa na mwamuzi,Eric Lambrechts.

Timu nyingine ambazo ziko kundi moja na KRC Genk ni KV Kortrijk,Eupen,Roeselare, Moeskroen pamoja na Sporting Lokeren.

Sunday, April 02, 2017