Liverpool vidume dabi ya Merseyside,waichapa Everton 3-1 na kushika nafasi ya tatu

Liverpool,England.

LIVERPOOL imechupa mpaka nafasi ya tatu kwenye msimamo wa ligi kuu England baada ya mchana huu kuichapa Everton kwa mabao 3-1 katika mchezo mkali wa watani wa jadi wa Merseyside uliochezwa kwenye dimba la uwanja wa Anfield.

Katika mchezo huo uliochezeshwa na mwamuzi,Antony Taylor ilishuhudiwa Liverpool ikipata bao lake la kwanza katika dakika ya 8 kupitia kwa winga wa Senegal,Sadio Mane.

Philippe Coutinho aliongezea Liverpool bao la pili katika dakika ya 31 akitumia vyema pasi ya kiungo,Lucas Leiva.Bao la tatu limefungwa na Divock Origi katika katika dakika ya 60.Bao la Everton limefungwa na mlinzi Matthew Pennington katika dakika ya 28 ya mchezo.

Ushindi huo umeifanya Liverpool ifikishe pointi 59 baada ya kucheza michezo 30.Everton imebaki katika nafasi ya saba na pointi zake 50.

Vikosi

LIVERPOOL: Mignolet, Clyne, Matip,Lovren, Milner, Lucas, Can, Wijnaldum,Mane, Coutinho, Firmino.

EVERTON: Joel, Baines, Williams, Jagielka,Pennington, Holgate, Gana, Davies, Barkley,Calvert-Lewin, Lukaku.

Saturday, April 01, 2017