ARSENAL YAPAA,MANCHESTER UNITED YADUNDWA NYUMBANI

London, England.

Magoli mawili ya winga Alexis Sanchez na moja la mlinzi Laurent Koscienly yametosha kuipa Arsenal ushindi wa goli 3-0 dhidi ya klabu ya Stoke City katika mchezo wa mapema uliopigwa katika dimba la Emirates. Kufuatia ushindi huo Arsenal imechupa mpaka nafasi ya tano ikiwa na pointi zake 36 baada ya kushuka dimbani mara 21.

Katika mchezo wa pili goli la dakika ya 69' la kiungo aliyetokea benchi Dusan Tadic lilitosha kuipa ushindi wa goli 1-0 klabu ya Southampton dhidi ya wenyeji klabu ya Manchester United katika mchezo uliopigwa katika dimba la Old Trafford.

Kufuatia matokeo hayo Southampton imechupa mpaka nafasi ya tatu ikiwa imejikusanyia pointi 39 na kuishusha Manchester United mpaka nafasi ya nne ikibaki na pointi zake 37.

Huu ni ushindi wa kwanza kwa Southampton kupata katika uwanja wa Old Trafford baada ya kufanya hivyo miaka 27 iliyopita.

Sunday, January 11, 2015