Valencia,Hispania.
KIUNGO wa Malaga,Pablo Fornals amesitisha kwa muda mpango wa kujiunga na Valencia baada ya kupata taarifa kuwa Arsenal inataka kumsajili ili akawe mbadala wa muda mrefu wa kiungo wake majeruhi,Santi Cazorla.
Hivi karibuni Fornals mwenye umri wa miaka 21 aliripotiwa kuwa kwenye mazungumzo na Valencia ambao ni wapinzani wakubwa wa Malaga lakini taarifa kutoka nchini Hispania zinasema kiungo huyo amesitisha kwa muda mazungumzo hayo ili kuona kama Arsenal itapeleka ofa kwa ajili yake.
Kocha wa Arsenal Mfaransa,Arsene Wenger ameripotiwa kuanza mapema kumsaka mbadala wa Cazorla na anamuona Fornals mwenye mabao sita msimu huu kama mtu sahihi wa kukiongezea nguvu kikosi chake.
Kwa mujibu wa habari kutoka gazeti la michezo la Plaza Deportiva habari zinasema Arsenal inaweza kumpata Fornals kwa dau dogo la Pauni 10 Milioni.
Ikiwa Arsenal itafanikiwa kumsajili Fornals itakuwa imefikisha wachezaji watatu waliowahi kuchezea Malaga.Wengine ni Santi Cazorla na Nacho Monreal.
0 comments:
Post a Comment