Manchester, England.Klabu ya Manchester City imepata pigo baada ya nyota wake Sergio Aguero na David Silva kupata majeraha yatakayowaweka nje ya dimba kwa kipindi kisichopungua wiki sita kuanzia sasa.
Aguero aliyekuwa akiitumikia Argentina amepata mpasuko katika msuli wake katika mchezo dhidi ya Ecuador ambapo Argentina ililala kwa mabao 2-0.Kufuatia jeraha hilo Aguero atakuwa nje kwa kipindi cha wiki nne akikosa jumla ya michezo minne ukiwemo mchezo wa Octoba 25 dhidi ya Manchester United na michezo miwili ya klabu bingwa dhidi ya Sevilla.
Silva:David Silva alidumu uwanjani kwa dakika 33 tu na kisha kutoka baada ya kuumia enka kufuatia kuchezewa rafu mbaya ya nyuma wakati akiitumikia Hispania iliyokuwa ikipambana na Luxembourg kusaka tiketi ya kushiriki michuano ya Ulaya hapo mwakani nchini Ufaransa.
Kufuatia jeraha hilo Silva atakuwa nje kwa kipindi cha wiki mbili huku kukiwa na matumaini kidogo sana kama ataweza kucheza dhidi ya Manchester United Octoba 25.
0 comments:
Post a Comment