Tuzo ya mchezaji bora wa mwezi Aprili yaenda Hull City

Hull,England.

KIUNGO nyota wa Hull City, Kamil Grosicki ameshinda tuzo ya kumsaka mchezaji bora wa mwezi wa nne (Aprili) wa ligi kuu ya soka nchini England.

Grosicki anayetokea nchini Poland ameshinda tuzo hiyo baada ya kupata kura 61,181 na kuwashinda Roberto Firmino wa Liverpool aliyepata kura 10,368 na Eden Hazard wa Chelsea aliyepata kura 9,539.Jumla ya kura zote zilizopigwa ni 97,000.

Wengine walipingia kwenye kinyang'anyiro hicho na kutoka patupu ni pamoja na Christian Eriksen wa Tottenham aliyepata kura 8,346, Christian Benteke wa Crystal Palace aliyepata kura 4,065 na Dele Alli wa Tottenham aliyepata kura (3,988).

 Mwezi Aprili Grosicki,26, alitoa pasi tatu za mabao na kuiwezesha Hull City kupata ushindi dhidi ya vilabu vya West Ham United,Middlesbrough na Watford.

Thursday, May 04, 2017