BURNLEY YAMSAJILI DEFOUR KWA DAU LA REKODI

Burnley,England.

Klabu ya Burnley ambayo imerejea ligi kuu nchini England mchana huu imetangaza kukamilisha usajili wa kiungo wa Ubelgiji,Steven Defour kutoka klabu ya RSC Anderlecht kwa dau la rekodi la £7.35m (€9m).

Defour,28,amesaini mkataba wa miaka mitatu na anakuwa mchezaji wa nne kujiunga na Burnley inayonolea na Kocha Sean Dyche.

Kabla ya kujiunga na RSC Anderlecht,Defour,aliwahi kuvichezea vilabu vya Genk na Standard Liege vya nyumbani kwao Ubelgiji kabla ya kutimkia Ureno na kujiunga na FC Porto aliyoisaidia kutwaa vikombe viwili vya ligi kuu.

Defour ameichezea timu yake ya taifa ya Ubelgiji jumla ya michezo 46.Kabla ya kumsajili Defour Burnley hakuwahi kisajili mchezaji kwa dau la £7m hiyo usajili wa kiungo huyo ndiyo mkubwa zaidi kufanya na klabu hiyo.

Tuesday, August 16, 2016