Barcelona, Hispania.
Klabu ya Barcelona imepata ushindi mwingine mzito baada ya kuifunga klabu ya Atletico Madrid kwa jumla ya magoli 3-1 katika mchezo mkali wa ligi ya La Liga. Ikisahau kwa muda vuguvugu la mgogoro unaoendelea klabuni hapo Barcelona ilianza kuhesabu goli lake la kwanza dakika ya 12 kupitia kwa Neymar kabla ya Louis Suarez kuongeza la pili dakika ya 35 kisha Messi dakika ya 87 huku lile la wageni Atl Madrid likifungwa kwa mkwaju wa penati dakika ya 57 na Mario Mandzukic.
Baada ya mchezo huo nyota Lionel Messi akiongea na kituo cha televisheni cha Catalunya amekanusha kuwa yuko kwenye mpango wa kuihama klabu hiyo na kutimkia Chelsea ama kwingineko pia amepinga uvumi ulioenea kuwa baba yake mzazi alikutana na kocha Jose Mourinho kufanya mazungumzo kwa ajili ya kumsajili.
Amesema "Sina mpango wa kuhama Barcelona wala sijatoa sharti lolote la kufanyiwa ili nibaki hapa.
Nina furaha kuwa Barcelona na hakuna ukweli wowote kuwa baba yangu alifanya kikao na Mourinho ili mimi nihamie Chelsea".
0 comments:
Post a Comment