Moto wa Serengeti Boys wainguza Cameroon kwao

Yaoundé,Cameroon.

TIMU ya taifa ya vijana chini ya umri wa miaka 17,Serengeti Boys imeendeleza wimbi la ushindi kwenye mechi zake za kujipima nguvu kabla ya kuanza kwa michuano ya vijana ya AFCON baada ya jana Jumapili usiku kuifunga timu ya vijana wenzao ya Cameroon bao 1-0 katika mchezo mkali uliochezwa katika uwanja wa Ahmadou Ahijo, mjini Yaounde.

Bao la ushindi la Serengeti Boys limefungwa na Ally Nganzi katika dakika ya 36 ya kipindi cha kwanza.

Serengeti Boys itajitupa tena uwanjani Mei 3 mwaka huu kurudiana na wenyeji wao Cameroon katika mchezo mwingine wa kujipima nguvu kabla ya Mei 7 kuelekea nchini Gabon tayari kwa michuano ya AFCON.

Serengeti Boys iko kundi B pamoja na timu za Mali,Niger na Angola.

Monday, May 01, 2017