Hat-trick nyingine ya mapema zaidi yafungwa La Liga.

Barcelona, Hispania.

MSHAMBULIAJI wa Atletico Madrid,Mfaransa Kevin Gameiro ameingiza jina lake kwenye vitabu vya historia ya ligi ya La Liga baada ya jioni ya leo kufunga hat-trick ya mapema zaidi kwenye ushindi wa mabao 4-1 dhidi ya wenyeji Sporting Gijon huko El Molinon.

Gameiro aliyekuwa ameingia uwanjani akitokea benchi alikamilisha hat-trick hiyo akitumia dakika nne na sekunde 51 na kuwa mchezaji wa pili kufunga hat-trick ya mapema zaidi kwenye historia ya ligi ya La Liga.Hat-trick hiyo imepatikana kwenye dakika za 80,81 na 85.

Rekodi ya hat-trick ya mapema zaidi inashikiliwa na nyota wa zamani wa Valencia,David Villa ambapo mwaka 2006 kwenye mchezo dhidi ya Atletic Bilbao alifunga hat-trick akitumia dakika nne na sekunde 41.

Saturday, February 18, 2017