Bujumbura, Burundi.
KLABU ya Simba imeambiwa iwapo
inamtaka mfungaji bora wa Ligi Kuu nchini Burundi, Laudit Mavugo basi ikubali kuzama mfukoni na kutoa
kitita cha dola za Marekani 100,000 sawa na Sh milioni 200.
Mwaka jana, klabu hiyo ya Msimbazi ilikurupuka na kumpa dola 10,000 kati ya dola 20,000, ambazo walikubaliana lakini walikwaa kisiki baada ya Vital’O kuwawekea ngumu na kutaka Simba itoe fedha ndefu ili imnase mshambuliaji huyo wa timu ya taifa ya Burundi.
Rais wa Vital’O , Bikolimana
Benjamin alikaririwa na moja ya radio maarufu za michezo akisema kuwa Simba isijisumbue kwa Mavugo hadi hapo itakapotimiza masharti ambayo wamewapatia ikiwemo kutoa fedha ambazo wamewataka kuzitoa.
Mashabiki wa Wekundu hao wa Msimbazi wana hamu kubwa ya ujio wa Mavugo kauli ya rais wa Vital’O itakuwa mwiba mchungu kwa wana
Msimbazi hao ambao wana kiu ya ubingwa, ambao wameukosa kwa muda wa miaka minne mfululizo.
Alisema tangu Simba walipofika nchini Burundi kwa ajili ya mazungumzo ya kunasa mchezaji huyo na kushindwa kufikia makubaliano, hawakurudi tena kwa ajili ya kumalizana na klabu hiyo.
“Sisi tupo tayari kumwachia Mavugo ajiunge na Simba kwa sababu tuna uhusiano nao mzuri ila tutafanya
hivyo baada ya kuwa tumemalizana nao.“alisema.
0 comments:
Post a Comment