Getafe,Hispania.
MABINGWA wa Afrika,Cameroon wameonyesha dalili kuwa huenda wasifanye vizuri sana kwenye michuano ya kombe la mabara itakayoanza siku tano zijazo baada ya Jumanne usiku kukubali kichapo cha mabao 4-0 kutoka kwa Colombia katika mchezo wa kimataifa wa kirafiki uliochezwa kwenye uwanja wa Coliseum Alfonso Pérez huko Getafe-Hispania.
Shujaa kwa upande wa Colombia alikuwa ni mlinzi Yerry Mina aliyefunga mabao mawili.Mabao mengine ya Colombia yamefungwa na James Rodriguez pamoja na Jose Heribreto Izquiredo.
Aidha katika mchezo huo ilishuhudiwa Cameroon ikimaliza na wachezaji kumi baada ya mlinzi wake Roberg Tambe kutolewa kwa kadi nyekundu ya moja kwa moja mwanzoni kwa kipindi cha pili kwa mchezo mbaya.
Cameroon itarejea tena dimbani siku tano zijazo kucheza mchezo wake wa kwanza wa kimashindano pale itakapocheza na mabingwa wa Amerika Kusini,Chile katika mchezo wa kwanza wa kombe la mabara litakalofanyika nchini Urusi.
0 comments:
Post a Comment