BENKI YA DTB YAMWAGA PESA KUIDHAMINI LIGI KUU BARA

Dar Es Salaam,Tanzania.

Benki ya Diamond Trust hii leo imesaini mkataba na Shirikisho la Soka nchini Tanzania Tff wa kudhamini ligi kuu ya sokaTanzania Bara kwa msimu wa mwaka 2016/2017,DTB inaungana na mfuko wa bima ya Afya NHIF pamoja na wadhamini wengine katika kudhamini ligi hiyo maarufu kama ligi kuu ya Vodacom.

DTB na TFF wamesaini makataba ambao ni endeevu wenye thamani ya shilingi Milioni 250 kwa mwaka,mkataba ambao umesainiwa na Rais wa Tff Jamali Malinzi na Joseph Mabusi ambaye ni Mkuu wa kitengo cha Fedha wa benki ya DTB.

Hafla ya kusaini mkataba huo imefanyika kwenye Hoteli ya Serena, iliyoko kwenye makutano ya barabara za Ali Hassan Mwinyi na Ohio jijini Dar es Salaam na kushuhudiwa na Waandishi wa habari kutoka vyombo mbalimbali.