Roma,Italia.
LICHA ya kufunga mabao matano katika michezo mitatu iliyopita katika klabu yake mpya ya OGC Nice ya Ufaransa,bado hakuna nafasi kwa Mario Balotelli kurejea katika kikosi cha Italia ambacho kwa sasa kinanolewa na kocha Piero Ventura.
Jana Jumamosi kocha wa Italia Piero Ventura alitangaza kikosi cha wachezaji 26 ambacho wiki ijayo kitacheza michezo miwili ya kusaka tiketi ya kushiriki kombe la dunia dhidi ya Hispania na Macedonia bila ya kuwemo jina la Mario Balotelli ambaye amekuwa moto mkali tangu alipojiunga na OGC Nice mwezi Agosti akitokea Liverpool kwa uhamisho huru.
Wakati Balotelli,25,akifungiwa vioo,kipa wa Genoa,Mattia Perin,amejumuishwa kikosini kuchukua nafasi ya kipa wa Lazio,Federico Marchetti anayesumbuliwa na majeruhi.
Ikumbukwe Balotelli hakuwemo kwenye kikosi cha Italia kilichoshiriki michuano ya Ulaya (Euro 2016) huko nchini Ufaransa.Kwa sasa jukumu la kuongoza safu ya ushambuliaji ya Italia limekuwa mikononi mwa Ciro Immobile na Graziano Pelle.
Italia itacheza na Hispania siku ya Alhamis mjini Turin.Katika mchezo huo Italia itamkosa beki wake wa kutumainiwa,Giorgio Chiellini,anayetumikia adhabu ya kukosa mchezo mmoja.
Italia itarejea tena dimbani Siku ya Jumapili huko Skopje kuvaana na wenyeji wao Macedonia.
KIKOSI KAMILI:
Makipa: Gianluigi Buffon (Juventus),Gianluigi Donnarumma (AC Milan), Mattia Perin (Genoa).
Mabeki:Davide Astori (Fiorentina), Andrea Barzagli (Juventus), Leonardo Bonucci (Juventus), Giorgio Chiellini (Juventus),Angelo Ogbonna (West Ham), Alessio Romagnoli (AC Milan).
Viungo:Federico Bernardeschi (Fiorentina), Giacomo Bonaventura (AC Milan), Antonio Candreva (Inter Milan),Domenico Criscito (Zenit St. Petersburg),Matteo Darmian (Manchester United), Daniele De Rossi (Roma), Mattia De Sciglio (AC Milan), Alessandro Florenzi (Roma), Riccardo Montolivo (AC Milan), Marco Parolo (Lazio),Marco Verratti (Paris Saint-Germain).
Washambuliani:Andrea Belotti (Torino), Eder (Inter Milan), Manolo Gabbiadini (Napoli), Ciro Immobile (Lazio), Graziano Pelle (Shandong Luneng), Nicola Sansone (Villareal).
0 comments:
Post a Comment