KIPA AFUNGIWA MIAKA 4 KWA KUMVUNJA TAYA MARA 3 MCHEZAJI WA TIMU PINZANI

Santiago,Chile.

CHAMA cha soka cha Chile,(ANFA),kimemfungia kutocheza mpira kwa kipindi cha miaka minne kipa wa klabu ya daraja la tatu ya General Velazquez,Claudio Abarca,baada ya kumkuta na hatia ya kumpiga teke usoni na kumvunja taya mara tatu mshambuliaji wa Estacion Central,Diego Diaz.

Abarca alitenda unyama huo Jumatatu ya wiki hii huko San Vicente de Tagua, kilometa 125 kusini mwa mji mkuu wa Chile,Santiago.

Baada ya tukio hilo,Abarca, kulazimika kulala lupango kwa siku moja kwa ajili ya usalama wake huku Diego Diaz akipelekwa hospitali kupatiwa matibabu.

Saturday, October 01, 2016