Yaounde,Cameroon.
MAGWIJI mbalimbali wa soka duniani wakiongozwa na Samwel Eto'o,Patrick Mbona,Robbie Fowler na Jamie Garragher wameungana kwa pamoja kumtakia nafuu kocha na nahodha wa zamani wa Cameroon,Rigobert Song Bahananng,anayepigania uhai wake kitandani baada ya kukumbwa na ugonjwa hatari wa Kiharusi ama kwa lugha ya kitaalamu cerebral aneurysm.
Song,40,ambaye ni mjomba wa kiungo wa zamani wa Arsenal na Barcelona, Alex Song,jana Jumapili alikimbizwa katika hospitali ya Messa baada ya kukumbwa na kiharusi akiwa nyumbani kwake Odza nje kidogo ya mji wa Yaounde,Cameroon.
Song alistaafu soka mwaka 2010 akiweka rekodi ya kuichezea Cameroon jumla ya michezo 137 katika kipindi cha miaka 16.Pia alivichezea vilabu vya Metz,Liverpool,Westham United.Aliwahi kuwa kocha wa Cameroon pamoja na Chad.
0 comments:
Post a Comment