USAJILI:PETER CECH KUJUA HATIMA YAKE LEO,FALCAO BADO KIDOGO TU!!

Habari na Paul Manjale 

 

Cech:Mlinda mlango wa Chelsea Peter Cech leo jumatatu atakutana na viongozi wa klabu hiyo ili kujua hatima yake

klabuni hapo.Cech anataka kuhamia Arsenal kwa ada ya £11m lakini uongozi wa Chelsea unataka kumuuza katika klabu ya PSG.

Dost:Klabu ya Newcastle iko mbio kukamilisha usajili wa mshambuliaji hatari wa Wolfsburg  Bas Dost (26) kwa ada ya £9m.Dost atasaini mkataba wa miaka minne,amefunga magoli 16 katika ligi ya Bungesliga na kuiwezesha Wolfsburg kutwaa ubingwa wa kombe la ligi (DFB).

Anderson:Kocha wa klabu ya Manchester United Louis Van Gaal ameripotiwa kutenga kitita cha £30m kwa ajili ya kuinasa saini ya mshambuliaji wa Lazio Mbrazil Felipe Anderson kwa ajili ya kukipa makali kikosi chake.

Richards:Mlinzi wa klabu ya Manchester City Micah Richards 26 wiki hii anatarajiwa kupima afya yake kabla ya kumwaga wino wa kuichezea klabu ya Aston Villa.

Sterling:Klabu ya Manchester City ina matumaini ya kumsajili winga wa klabu ya Liverpool Raheem Sterling kwa ada ambayo iko chini ya £50m inayotakiwa na miamba hiyo ya Anfield.

Mourinho:Kocha wa Chelsea Jose Mourinho yuko mbioni kusaini mkataba mpya wa kuendelea kuifundisha miamba hiyo ya ligi kuu ya England.Mkataba huo mpya ambao utakuwa wa miaka 4 utamuwezesha kocha huyo kuvuna kitita cha £30m.

Falcao:Mshambuliaji Radamel Falcao ameripotiwa kufikia makubaliano binafsi ya kujiunga na klabu ya Chelsea kilichobaki ni Chelsea kufanya mazungumzo na klabu yake ya Monaco ili usajili huo ukamilike.

Monday, June 15, 2015