EURO 2016:UHOLANZI CHALI,ITALIA KIDEDEA

Mitanange ya kuwania tiketi ya kufuzu michuano ijayo ya Ulaya (Euro 2016) iliendelea usiku wa jana kwa miamba kadhaa ya soka barani humo kushuka viwanjani kuwania pointi tatu muhimu.Baadhi ya matokeo ya mitanange hiyo ni kama ifuatavyo……

GROUP A:

Timu ya taifa ya Uholanzi ikiongozwa kwa mara ya kwanza na kocha wake mpya Guus Hiddink ilijikuta ikiangukia pua baada ya kukubali kichapo cha bao 2-1 toka kwa wenyeji Jamhuri ya Czech katika mtanange uliopigwa mjini Prague.

Mlinzi Janmaat akisikitika baada ya kufungisha goli

Wenyeji Czech wakipata nguvu toka kwa mashabiki wao walikuwa wa kwanza kupata bao kipindi cha kwanza kupitia kwa mchezaji Borek Bockal.Uholanzi ilifanikiwa kupata bao la kusawazisha kipindi cha pili kupitia kwa mlinzi wake Stefan de Vrij  kwa  mkwaju wa kickwa.Zikiwa zimesalia dakika chache mtanange huo ufikie mwisho makosa ya mlinzi wa kulia wa Uholanzi Darly Janmaat yaliwazawadia bao wenyeji Czech baada ya mpira wa kichwa wa mlinzi huyo kwa golikipa wake Jasper kugonga mwamba na kukutana na mshambuliaji Vaclav Pilar aliyeutia kimiani.Mpaka dakika tisini zinatimia Czech 2-1 Uholanzi.

kocha Hiddink

Baada ya mtanange huo Janmaat alisema

“Hilo ni kosa langu najisikia vibaya kupoteza mchezo ambao tulipaswa tushinde.Nilikuwa nikijaribu kumrudishia mpira Jasper kwa bahati mbaya sikuupiga vizuri.Nilijisikia vibaya sana baada ya tujio hilo”.

GROUP H:

Timu ya taifa ya Italia imeanza vyema harakati za kuhakikisha kuwa inakuwa moja kati ya timu zitakazofuzu mapema Euro 2016 baada ya kuifunga timu ngumu ya Norway kwa jumla ya magoli 2-0 katika mtanange uliopigwa huko Oslo,Norway.

Italia iliyokuwa ikiongozwa kwa mara ya kwanza na kocha mpya Antonio Conte ilipata magoli yake kupitia mshambuliaji wake Simone Zaza na mlinzi Leonardo Bonucci.

Wednesday, September 10, 2014