LAMPARD ATUA MAREKANI

Kiungo wa kimataifa wa England Frank Lampard 36 ametambulishwa kuwa mchezaji mpya wa klabu ya New York City Fc itakayoshiriki ligi ya MLS baada ya kusaini mkataba wa miaka miwili. Lampard amepewa jezi namba 8 na kuwa mchezaji wa pili toka Ulaya kusajiliwa na klabu hiyo baada ya mshambuliaji David Villa kufanya hivyo mapema mwezi uliopita. Usajili huo umehitimisha safari ndefu ya mafanikio ya Frank Lampard akiwa na klabu ya Chelsea ambayo ameichezea jumla ya michezo 649 na kuifungia magoli 241 huku akiwa amepika zaidi ya magoli 90 pamoja na kutwaa mataji lukuki katika kipindi cha miaka 13 alichokuwa klabuni hapo.

Lampard amesema licha ya yeye kuanza maisha mapya bado hafikirii kustaafu kuichezea timu ya taifa kwani bado anaamini uwezo na nguvu aliyonayo bado vinampa nafasi ya kucheza zaidi

Posted  by Paul Manjale

Friday, July 25, 2014